नमो शेतकरी महासन्मान निधी योजनेचा ८वा हप्ता कधी येनार..? ; शेतकरी बांधवांसाठी एक महत्त्वाची माहिती समोर आली आहे, ती म्हणजे पंतप्रधान किसान सन्मान निधी (PM-Kisan) योजनेचा २१ वा हप्ता लवकरच, १९ नोव्हेंबर २०२५ रोजी, शेतकऱ्यांच्या खात्यात वितरित केला जाणार आहे. याच पार्श्वभूमीवर, महाराष्ट्रातील अनेक लाभार्थी शेतकऱ्यांकडून ‘नमो शेतकरी महासन्मान निधी योजनेचा’ आठवा हप्ता कधी मिळणार, असा वारंवार प्रश्न विचारला जात आहे. नमो शेतकरी महासन्मान निधी योजना ही केंद्र सरकारच्या पीएम किसान योजनेच्या पात्र लाभार्थ्यांसाठीच असल्याने, या दोन्ही योजनांच्या हप्त्यांच्या वितरणाचा कालावधी एकमेकांवर अवलंबून असतो.
नमो शेतकरी महासन्मान निधी योजनेसाठी पात्र असलेले शेतकरी हेच असतात जे पीएम किसान सन्मान निधी योजनेसाठी महाराष्ट्रातून पात्र ठरले आहेत. त्यामुळे, पीएम किसानचा हप्ता वितरित झाल्यानंतर राज्य सरकारची पुढील प्रक्रिया सुरू होते. या प्रक्रियेत, सर्वप्रथम पीएम किसानच्या पोर्टलवरून नमो शेतकरी योजनेसाठी पात्र असलेल्या शेतकऱ्यांची यादी मागवली जाते.
