शेतकऱ्यांसाठी मोठा दिलासा, MahaDBT अनुदान वितरण सुरू..पहा कोनते शेतकरी ; राज्य शासनाच्या कृषी विभागाच्या विविध योजनांसाठी पात्र ठरलेल्या आणि अनुदानाच्या प्रतीक्षेत असलेल्या शेतकऱ्यांसाठी एक अत्यंत महत्त्वाचा अपडेट समोर आला आहे. महाडीबीटी फार्मर स्कीमच्या माध्यमातून राबवल्या जाणाऱ्या या योजनांच्या अंतर्गत ज्या शेतकऱ्यांना पूर्वसंमती मिळाली होती, ज्यांनी बिल आणि चलान अपलोड केले होते, परंतु निधीअभावी त्यांचे अनुदान थकीत होते, त्या सर्व लाभार्थ्यांच्या खात्यामध्ये आता अनुदानाचे वितरण सुरू झाले आहे. कृषी विभागाच्या योजना आता ‘कृषी समृद्धी’ या नावाने राबवल्या जात असून, या अंतर्गत विविध निधीची तरतूद करण्यात आली आहे.
या योजनेंतर्गत कृषी यांत्रिकीकरण, ठिबक सिंचन, तुषार सिंचन यांसारख्या सिंचन योजना तसेच बी-बियाणे आणि इतर अनेक महत्त्वाच्या बाबींसाठी अनुदान दिले जाते. ठिबक सिंचन आणि तुषार सिंचन पाईप यांसारख्या बाबींसाठी निधीची उपलब्धता नसल्यामुळे अनेक शेतकरी अनुदानाच्या प्रतीक्षेत होते.
